Петнаесетогодишно момче ноќеска починало при вовед во анестезија во тек на операција на Клиникита за трауматологија, потврдија за НОВА на Хируршките клиники. Момчето било донесено како итен случај со повреда на двете колена од пад на час по физичко воспитување. Смртта настапила кога му бил даден инхалационен анаестетик. Анестезиолозите тврдат дека не се работи за алегрија, туку се сомневаат дека настанала малигна хипертермија која се случува во многу ретки случаи кај пациенти кои имаат генетска мутација и во комбинација со анестетик може да настапат компликации и смрт. На Хируршките клиники објаснуваат дека момчето најверојатно ја имало ова генетско пореметување, што дополнитено ќе се утврдува во Институтот за судска медицина.
Сомнежот на лекарите дека се случила токму малигна хипертермија е според клиничките знаци, моментално распаѓање на белите дробови, а потоа и на другите органи, објаснуваат анестезиолозите.
„Нема грешка во анестезијата, ниту пак се работи за алергиска реакција туку веројатно станува збор за ненормално однесување на организмот кон анестетикот и според клиничките знаци се сомневаме дека се работи за малигна хипертермија. Тоа може да се докаже преку генетско испитување кое ќе треба да го направи и семејството заради безбедност во иднина На Хуруршките клиники каде од секоја клиника посебно има по илјадници операции годишно досега не сме имале ваков случај. Клиничките знаци се исти како што се опишани во медицинската литература“, објаснуваат за НОВА на КАРИЛ.
Во медицинската литературата стои дека малигна хипетермија се случува во еден од 15 000 случаи. Болеста се наоѓа во 19 хромозомски пар кој може да изреагира на ваков начин при одредени видови анестетици, некои стероидни мускулни релаксанти или преголем стрес. Телото на момчето е предадено на обдукција, по што ќе се знае причината за смртта.