Филе го спрема годишнот извештај и смета дека нема потреба да одговори на писмото на Груевски
Кабинетот на комесарот за проширување Штефан Филе нема намера да одговори на писмото на премиерот Никола Груевски кое беше испратено вчера.
“Писмото е информативно и во ЕК сметаат дека не треба одговори ниту пак реакција на ова писмо. Она што за Брисел е важно е сега да бидат применети препораките на Комисијата за 24 декември”, вели дипломатски извор во Брисел.
Според овој соговорник самото писмо не менува ништо во очекувања на ЕК од Македонија ниту пак на мислењето на ЕК за настаните во земјата. Во ЕК нотираат дека самото писмо било објавено во македонските медиуми речиси истовремено кога било испратено до комесарот.
ЕК ги следи настаните во Брисел преку својата Делегација во Скопје и сметаат дека ова писмо е делумно напишано и за внатрешни политички потреби па оттука нема потреба од одговор.
“Мислењето за целата ситуација ЕК ќе го каже во октомври во својот редовен извештај за напредокот на земјата и нема потреба да се испраќа писмо до владата за тоа дали ќе има повторно препорака за преговори за членство”, велат во Брисел.
Тие потсетуваат дека од Македонија се очекува примена на договореното за 24 декември како и чекори кон политички меморандум помеѓу партиите и дијалог со медиумите.