Еве ја целосната содржина на писмото, кое како што посочи потпретседателката на СДСМ, Радмила Шеќеринска, тогашниот министер за надворешни работи Антонио Милошоски го испрати до ООН во февруари 2011 година.
Писмото претставува одговор на писмото на тогашниот министер за надворешни работи на Грција, Димитрис Друцас, испратено на крајот на 2010-тата. Во писмото на Милошоски на втората страна стои следното:
„Во текот на овие преговори, Република Македонија прифати извесен број на предлози ставени (предложени) од господинот Нимиц како основа за решение, вклучувајќи го и предлогот од март 2008 година „Република Македонија (Скопје), кој Република Грција нажалост го отфрли.“
ВМРО-ДПМНЕ обвини дека ќе тужи поради нејзиното тврдење дека во 2008 година, премиерот Никола Груевски се согласил со промена на името за да бидеме примени во НАТО.
>>Шеќеринска: Ќе најдеме начин за почеток на преговорите со ЕУ
Заменик претседателот на СДСМ, Радмила Шеќеринска вечерва ја продолжи дебатата со ВМРО ДПМНЕ на нејзините профили на Твитер и ФБ.
– Ајде, тужете господа од власта! Ама јас го имам писмото од Милошоски, а вие немате одговор! Затоа и #Ж (Груевски ) молчеше на пратенички прашања“, напиша Шеќеринска на Твитер. Коментарот уследи по обвинувањата на ВМРО ДПМНЕ дека СДСМ сака да го смени името на што Шеќеринска одговори дека Груевски се согласил со промена на името. Во реакцијата на ВМРО ДПМНЕ за овој став на Шеќеринска беше потенцирано дека Тито Петковски бил тужен за слични изјави.
По реакцијата на Твитер, Шеќеринска се обрати и преку ФБ профилот.
„ДПМНЕ ми се заканува со тужба дека ја кажав вистината и ги потсетив дека Груевски прифатил промена на уставното име во “Република Македонија (Скопје)” и дека тоа стои во писмото кое Милошоски го прати до ООН. Повелете, господа од власта! Едвај чекам да ве слушам како официјалните дописи од МНР не се доволен доказ“, се вели во статусот на Шеќеринска на ФБ.