Синиот ангел, девојчето Марија која беше пронајдена во едно ромско семејство не се наоѓа на листата на Интерпол за исчезнати деца соопшти грчката полиција, пренесува Политика.
Полицијата прецизирала дека девојчето, кое е на возраст меѓу пет и шест години не се наоѓа на листата на 610 исчезнати деца кои ги бара Интерпол. Во Грција веќе се јавиле десетина брачни парови, кои сакаат да веруваат дека девојчето е нивно, меѓу нив и еден брачен пар од Солун на кој пред неколку години бебето им исчезнало од породилиштето.
Ромскиот брачен пар,каде што беше најдено девојчето на почетокот пред судот во Лариса тврдел дека девојчето е нивно, но после доказот со ДНК анализите и кога увиделе дека им се заканува казна од 10 до 20 години затвор, признале дека девојчето го добиле преку бугарски посредник и го соопштиле името на мајката, наводно Ромка.
Случајот ја крена на нозе грчаката и светската јавност, особено по исчезнувањето на многу деца и нивното препродавање во последните две децении. Еден таков грчко-бугарски ланец беше прекинат во 2011 година кога беа уапсени 12 луѓе.
Сиромашни жени во поодмината бременост биле носени доброволно или со сила во Грција, каде под контрола на мафијата биле породувани во болниците, а откога ќе им даделе малку пари ги протерувале од државата. Секое дете се продавало за околу 20 000 евра, а истрагата покажала дека во криминалот биле вплеткани и лекари.
.