Од снежните врвови на Тибет до тропскиот остров Хаинан, Кина моментално се наоѓа во својот најлош топлотен бран во последните децении, по рекордните врнежи во јуни.
Во североисточните кинески провинции Шандонг, Џилин и Лиаонинг, врнежите достигнаа рекордни нивоа во јуни, додека националниот просек од 112,1 милиметри е за 9,1 отсто поголем од истиот месец минатата година, соопшти Националниот метеоролошки центар.
Екстремните горештини ја погодуваат и Јапонија, а нестабилното време предизвикува проблеми во другите делови на светот, што според научниците се знаци на климатски промени, а до крајот на овој век се очекува уште поголемо затоплување.