Хрватската актерка Долорес Ламбаша подлегна на повредите здобиени во сообраќајна несреќа што се случи утрово на А3 автопат на Среданци, јави Порталот Индекс. Ламбаша на македонската јавност и е позната по улогите во хрватските ТВ-серии.
Информацијата е потврдена во Општата болница “Д-р Јосип Бенчевиќ” во Славонски Брод, каде актерката загина веднаш по несреќата- повредите биле премногу тешки.
.jpg)
Фрањо Ласиќ и Долорес Ламбаша
“Во 07:20 добивме женско лице со сериозни повреди и во критичка состојба. Беше реанимирана веднаш и започнаа сите хируршки процедури”, рече д-р Џозеф Самарџиќ, раководител на Одделението за хирургија.
Тешката сообраќајна несреќа се случи утрово околу 06:40 кај Велике Копанице, 100 метри пред да влезат во Славоника, кога се судриле Nissan и VW Polo, кои најверојатно се превртиле неколку пати по слетувањето на патот.
Автомобилот во кој била Ламбаша бил управуван од телевизискиот и филмски актер Стојан Матавуљ (52), кој е полесно повреден во сообраќајната несреќа и попладнево е пуштен на домашно лекување. Toj за Индекс изјавил дека е во шок, дека е длабоко потресен што изгубил драга пријателка, додавајќи дека овој ден е најлошиот во неговиот живот.
За своите повреди Матавуљ одбил да зборува, затоа што сметал дека е депласирани. Сепак, според информациите на Индекс, полицијата покренала кривична пријава против него, за сомнеж дека ја причинил несреќата.
Повредениот актер Стојан Матавуљ
