На 95 години почина Шарл Азнавур, легенда на француската шансона и актер.
Покрај особената боја на гласот како негов заштитен знак, Азнавур беше магнет за публиката и со искрените, стравствени и мелодраматични настапи. Во долгата кариера тој продаде повеќе од 180 милиони албуми, одигра повеќе од 60 улоги на филм и заработи ѕвезда на холивудската патека на славните. Шарл Азнавур беше прогласен за пејач на векот во 1998 година, од страна на Си-Ен-Ен.
Од фестивалот на француски филм во Охрид, Шарл Азнавур замина со наградата „ Златна маска“ за животно дело.
