Актерот Филип Сејмур Хофман е пронајден мртов во неговиот апартман во Њујорк. Според првичните шпекулации, се работи за предозираност од дрога.
Полицијата пронајдила игла во неговата рака, и пакет за кој се верува дека било хероин, пишуваат странските медиуми.
„Доста очигледно е дека се работи за предозираност“, вели анономно официјално лице за Њујорк Тајмс. „Иглата беше во неговата рака“.
Сејмур Хофман освои Оскар за најдобар актер за неговата улога во филмот „Капотe“, во кој тој ја ја пренесе животната сторија на писателот Труман Капоте.
Хофман и претходно во минатото беше на рехабилитација од зависност од дрога.