Првиот премиер нa Полска по падот на комунизмот, Тадеуш Maзовјецки, почина на возраст од 86, јавува Би-Би-Си, повикувајќи се на полските медиуми.
Тој беше еден од архитектите на разговорите на “Тркалезната маса”, меѓу комунистичките лидери и опозицијата, отворајќи го патот за избори во 1989 година.
Победата на партијата Солидарност постави преседан за соборувањето на комунистичките влади во Источна Европа.
Г-дин Мазовјецки ја имаше функцијата до 1990 година, и беше силен поборник на Полска да се приклучи на Европската унија.
Министерот за надворешни работи Радослав Сикорски, му оддаде почит на поранешниот лидер на земјата, опишувајќи го како “еден од татковците на полската слобода и независност”.
Г-дин Мазовјецки беше од полско благородничко семејство и студирал право во Универзитетот во Варшава.
Тој беше избркан од комунистичката Католичка Пакс организација во 1955 година, под сомнение дека припаѓаат на некоја внатрешна опозиција група.
Во 1957 година, тој помогна да се основа Клубот на католичката интелигенција.
Во 1981 година, тој стана првиот уредник на опозиционото Tygodnik Solidarnosc (Солидарност неделник) списание, кое беше забрането кога комунистите прогласија вонредна состојба во декември 1981 година.
Г-дин Мазовјецки беше уапсен за време на операцијата и беше еден од последните затвореници кои беа пуштени во декември 1982 година.
Поранешниот советник на Лех Валенса и на штрајкувачите-работници на бродоградилиштето во Гдањск во 1980 година, г-дин Мазовјецки имаше цврста верба во преговарачката транзиција од комунистичкиот систем.
Тој учествуваше на тркалезната маса на разговорите во 1989 Февруари, што доведе до првите делумно слободни избори во Советскиот Сојуз во јуни истата година.
Тој беше назначен за премиер во август 1989 година и ја надгледуваше политичката и економска транзиција која водеше кон демократска земја, со слободен пазар.