Елена Балтача, британската тенисерка која прерано го напушти тенисот во Ноември минатата година, почина на 30 години од рак на црниот дроб.
Балтача е родена во Киев, но се преселила во 1989 година во Ипсивич, Англија поради ангажманот на нејзиниот татко, кој е поранешен фудбалер.
„Веста за нејзината смрт ги растажи сите кои имале привилегија да ја познаваат. Нејзиното заминување остави голема дупка во овој спорт. Таа му даде ново значење на зборот борец, затоа што беше неуморна на теренот со противничките и никогаш не се предаваше“ – објави Британскиот тениски сојуз.
Најдобриот пласман на ВТА листата, за Балтача беше 49-то место во текот на 2010 та година.
Балтача долги години ја претставуваше Велика Британија во Фед купот, а настапи и на минатите Олимписки игри во Лондон.