Зафир Хаџиманов, филмски актер, пејач и композитор, ја загуби битката со коронавирусот.
Тој беше оженет со пејачката и актерка Сенка Велетанлиќ, со која го има синот Васил Хаџиманов, познат џез музичар.
Хаџиманов е роден во 1943 година во Кавадарци, Македонија. Средно училиште и музичко училиште завршил во Скопје, каде започнал да игра музика и театар. Во 1967 година дипломирал глума на ФДУ во Белград. Паралелно со студиите, тој настапи како пејач на поп музика и ги сними своите први две плочи, на кои е автор и на текстовите.
Хаџиманов ги испеа познатите „Како Вардар“, „Љуби ме и главата горе“, „Од љубов не се бега“. Во 2007 година е промовиран за почесен амбасадор на културата на Македонија во Србија.
Глумеше во неколку филмови меѓу кои и „Македонска крвава свадба“ толкувајќи ја главната улога на филмот, Спасе. Учествуваше на многу фестивали во поранешна Југославија.