Од денеска до 5 јули во полскиот град Познањ се одржува состанок на Берлински процес и земјите од Западен Балкан.
Во процесот се шест партнери од Западен Балкан, Европската Комисија, одделни земји на ЕУ, меѓународни финансиски институции, меѓународни и регионални организации.
Полска се приклучи на процесот во 2018 година, и годинава го предводи тој процес. Берлинскиот процес е покренат од страна на германската Влада во 2014 година.
На годинашната конференција, како што претходно беше најавено, ќе присуствува и германската канцеларка Ангела Меркел.
Предвидена е и заедничка прес-конференција на премиерите на Полска, на Македонија, Зоран Заев, на Бугарија, Бојко Борисов и на германската канцеларка Меркел.