Либерал-демократите од Велес одговорија на Фејсбук на провокацијата од министерката за внатрешни работи Гордана Јанкуловска.
На својот официјален Фејсбук профил тие објавија фотомонтажа насловена како „Масакр во Центар со моторни пили“ на која е „тагнат“ и градоначалникот на Центар, Андреј Жерновски.
Откако во саботата министерката Јанкуловска постираше фотомонтажа каде Жерновски вози багер, на оваа фотографија таа држи моторна пила.
Нејзиниот „пост“ предизвика лавина рекации кои содржат говор на омраза на што таа одговори дека секој си одговара за напишаното, а не тој на чиј „ѕид“ се води дебатата.
Еве како одговори градоначалникот на Центар после ваквиот пост на Јанкуловска:
„Отсекогаш сум сакал ДУХОВИТИ минист(е)р(к)и, без разлика колку им се СЕРИОЗНИ функциите. Само, никако да си напишат на својот ФБ профил кој ги издаде личните карти на “гласачите” од Пустец. Бидејќи, “согласно Уставот и законите”, за тоа се одговара…“
