Во првиот квартал од годинава бројот на невработени изнесува 272.115 лица. Стапката на невработеност засега е 28,4 отсто и е за 1,5 процент пониска во споредба со првиот квартал од минатата година, објави Државниот завод за статистика.
Од невработените 58,8 отсто се мажи, а жени се 41,2 отсто. Според возраста од 15 до 24 година невработени се 52,8 отсто од 25 до 49 невработени се 25,2 отсто, од 50 до 54 години 23 отсто и над 65 години невработени се 27,8 отсто.
Најголем број невработени се со завршено четиригодишно средно образование – 131.712 лица. Освен нив, работа чекаат и 3.719 лица без образование, со незавршено основно образование 9.394, со основно 61.497, со тригодишно средно образование 24.276, со више образование 3093 и со високо образование 38.425 лица.
Во овој квартал вкупно биле вработени 686.277 лица.