Законот е усвоен синоќа со 228 гласа „за“ и 216 „против“. Со ова се отвори можност, најголемата независна телевизија во земјата, да ја изгуби лиценцата за работа
Европската Комисија како и Соединетите Американски Држави го критикуваа носењето на , според нив, спорниот закон со кој Полска ја ограничува странската сопственост во домашните медиуми. Законот е усвоен синоќа од страна на долниот дом на парламентот со 228 гласа „за“ и 216 „против“. Со усвојувањето на законот се отвора можност , најголемата независна телевизија во земјата, да ја изгуби лиценцата за работа.
Овој закон предизвика контроверзи во Полска, поради што и партијата Договор ја напушти владата, јавува РТС.
Предлог законот беше повод за протести во Варшава и во 80 градови ширум земјата. Тој треба да го помине уште филтерот на Сенатот, во кој опозицијата има тесно мнозинство. исто така Сенатот може да предложи и измени на законот и да го одложи неговото усвојување , но на крајот конечната судбина на законот ќе биде донесена во долниот дом на полскиот Сејм, кој може повторно да го усвои.
Потпретседателката на Европската Комисија Вера Јурова, која е одговорна за слободата на медиумите , напиша на својот Твитер профил дека „ медиумскиот плурализам и различноста на мислењата е она што силните демократии го поздравуваат а не борбата против нив.. Нацрт полскиот закон за радиодифузија,испраќа негативен сигнал,“ изјавила Јурова, пренесува РТС.
Американскиот државен секретар Ентони Блинкен, рече дека „ Вашингтон е длабоко загрижен“ поради усвојувањето на законот , додека опозицијата изјави дека на удар на овој закон е медиумскиот канал ТВН24, кој е во сопственост на американската медиумска групација „Дискавери“ и кој е критички настроен кон десничарската влада.
Полскиот премиер Матеуш Моравјецки изјави дека законот не е насочен кон ТВН24, туку дека со него се поострувале прописите „ како не би се дошло до ситуација во која компаниите надвор од ЕУ би купувале медиуми во Полска.