Поранешниот шпански атлетичар, Јаго Ламела, кој на СП во Севилја во 1999 година го освои сребрениот медал, починал во 36-та година од животот. Ламела, во четвртокот, бил пронајден мртов во домот на неговите родители, а причинитe за смртта сеуште се непознати.
„Олимпиското семејство длабоко жали поради смртта на Јаго Ламела, еден од најдобрите шпански спортисти во историјата“, соопшти на Твитер, Шпанскиот олимписки комитет.
Ламела од атлетиката се повлече во 2009 година не можејќи да се избори со серијата на повреди и депресијата.
Ламела, на СП во о Маебаши, Јапонија освои сребрен медал поставувајќи нов европски рекорд од 8,56 метри. Истата година на Мундијалот на отворено во Севилја исто така славеше со сребро.