Според последните податоци 300 луѓе се сметаат за исчезнати, а 164 се спасени, откако се преврте траект на југозападниот брег на Јужна Кореја, акцијата за спасување е во тек.
Официјалните податоци говорат дека две лица се мртви, од кои еден е член на посадата, а 14 се повредени, се стравува дека крајниот биланс на жртвите ќе биде многу поголем.
Трaектот „Севол“, на кој се превезувале 300 ученици, во вторникот навечер отпловил од пристаништето Чинон, оддалечено еден час од Сеул и се упатил кон островот Јеју.
Причините за несреќата се уште се непознати, кога западнале во невоља посадата испратила сигнал за узбуна, а патниците со појаси за спасување биле натерани да скокаат од палубата.
Еден од 300 гимназијалци кои тргнале на излет изјавил дека кога бродот почнал да се лула и да се превртува паднаа еден врз друг. „Многумина можеа да искрварат, а кога скокнав водата во океанот беше екстремно ладна. Почнав да пливам што побрзо можам зашто сакав да преживеам“, вели Лим Хјунг Мин.
Бродот целосно потонал во рок од два часа.