Потрагата по исчезнатиот малезиски авион се прошири на два огромни појаси кои според последните претпоставки се можниот правец на летање на авионот на кој му се изгуби секаков траг пред 10 дена. Спасувачките екипи на 26 земји на чело со Австралија која ја води акцијата, пловат од Казахстан до Индискиот океан во потрага по остатоците од авионот.
Првиот северен појас го опфаќа регионот од Казахстан и Туркменистан до Тајланд, а јужниот од Индонезија до Индискиот океан. Двете зони се илјадници километри далеку од местото каде што исчезна авионот од радарот.
Последните информации говорат дека копилот, а не пилотот ги изговорил последните зборови„Во ред, добра ноќ“.
Американските разузнавачки официјални лица се приклонуваат кон теоријата дека “оние во пилотската кабина” – капетанот и ко-пилот на Малезија ерлајнс летот 370 – се одговорни за мистериозното исчезнување на комерцијалниот џет, изјави за Си-Ен-Ен еден американски официјален претставник со директно познавање на најновите разгледувања на ситуацијата.
Освен претресот на куќата на пилотот, Zaharij Ahmed Šah (53), откако премиерот на Малезија го потврдил сомнежот дека авионот намерно го променил правецот на движење, истрагата ги анализира и податоците на еден од патниците Amri Selamat, инжењер во една приватна малезиска авио -компанија.