Во експлозија во рудник во западната турска покраина Маниса загинаа повеќе од 200 рудари, речиси исто толку се спасени, а се уште има и голем број затрупани рудари.
Во време на несреќата во рудникот во Сома имало 787 рудари изјави турскиот министер за енергетика Танер Јулдиз : „Евакуиравме повеќе од 200 луѓе. Времето не е на наша страна“.
Голем број рудари загинале поради труење со јаглен моноксид.
Како причина за несреќата се претпоставува дека е дефектна трафостаница, која експлодирала и предизвикала пожар во површинскиот коп, a дополнително не функционирал дотокот на воздух во рудникот.
Повеќето од затрупаните рудари се наоѓале на длабочина од 2000 метри, оддалечени околу четири километри од влезот во рудникот.
Турскиот премиер Реџеп Таип Ердоган ја откажа планираната посета на Албанија и ќе го посети местото на несреќата. Повеќе опозициони партии испратија свои делегации во Сома.
Министерството за труд и социјала во Анкара соопшти дека рудникот на 17. март последен пат бил проверуван од евентуални безбедносни ризици, при што не биле регистрирани проблеми. Управителот со рудикот Сома Комур соопшти дека „трагичната несреќа“ се случила и „покрај високите мерки за безбедност“.