Повик за користење на средствата од ИПАРД програмата на ЕУ
Владата одлучи Агенцијата за финансиска поддршка на земјоделството и руралниот развој за еден месец да распише јавен повик за користење средства од ИПАРД програмата.
Овој јавен повик ќе биде од исклучителна важност за земјоделците затоа што во обем вреди повеќе десетици милиони евра. Суштината на самиот повик е што Владата во соработка со Европската комисија ќе финансира дури 50 проценти од трошоците за реализиација на земјоделските проекти, рече денеска на прес-конференција владиниот портпарол Александар Ѓорѓиев.
Тој информира дека со новиот повик значително ќе бидат поедноставени процедурите за аплицирање од страна на земјоделците, ќе се прошири интервалот на финансиите што се добиваат при кофинансирање на проектите, ќе се подобрат условите и ќе се намалат трошоците за земјоделците кои сакаат да аплицираат и треба да обезбедат документи и елаборати.
Според Ѓорѓиев, тимови на Агенцијата за поддршка на земјодеството и руралниот развој и на Министерството за земјоделство, шумарство и водостопанство веќе се на терен за што подобро информирање на земјоделците.
Средствата од програмата на ЕУ ИПАРД во изминатите години имаа исклучително низок процент на реализација воглавно поради админстративните пречки, бирократските процедури, комлексноста на подоготовката на проектите како и поради недовоната информираност на потецијалните корисници.