Лопез, кој важи за една од водечките фигури на опозицискиот блок во Венецуела, беше обвинет за подметнување пожар и заговор, но обвиненијата за убиство и тероризам се отфрлени – објави денеска неговиот адвокат Хуан Карлос Гуатамирс. Ако го прогласат за виновен, Лопез може да се соочи и со казна од 10 години затвор.
Правниот тим кој стои зад Лопез, ги поздрави намалувањата на обвинителните акти, но сепак имаше мноштво забелешки на начинот на кој се води обвинителната постапка.
Сослушувањето за останатите обвинувања е закажано за в среда, кога неговите адвокати се надеваат дека барем ќе му биде укината мерката притвор, се до изрекување на конечната пресуда.
Дополните врева крена и обидот на државните служби првото сослушување на Лопез да биде одржано во затворот, а не во судница. Официјалните лица се правдаат дека ова го бараат поради безбедносни мерки. На крајот обете страни прифатија сослушувањето да биде направено во автобус, кој ќе служи како судница, а кој ќе биде паркиран веднаш пред затворската управа.
Затворот, надвор од градските граници на главниот град Каркас, е воена установа. Одбраната на Лопез покрена постапка зошто цивил како Лопез, се држи во воена установа, но одговорот беше дека државата само таму може да гарантира за неговата сигурност.
Лопез се предаде на властите минатата недела, во драматична сцена, каде на улиците ги повика да го поддржат илјадници поддржувачи.
Протестите кои беа поттикнати од големите социјални и економски проблеми во оваа држава, земаа голем замав., по што власта го посочи прстот кон други фактори, мешу кои и обид на Соединетите Американски држави за дестабилизација на земјата.
Американскиот претседател Барак Обама возврати на обвинувањата „ Власта во Венецуела, наместо да се обидува да го оттргне вниманието од сопствените проблеми лажни обвинувања, нека се фокусира на легитимното право на незадоволство кај сопствениот народ“.