Научниците открија дека на северната хемисфера каде што припаѓа и нашата држава ќе владеат четири типа на вируси на грип. Со ова веќе се знае што ќе содржи вакцината против сезонски грип за веднаш да започнат со нејзиното производство.
Податоците СЗО веќе и ги достави на Европската агенција за лекови , а препораките за производтсвото на новата вакцина се испратени и до Европската Унија. Новите вакцини ќе бидат квадривалентни и ќе содржат два типа на вирус Б, познати како Масачусетст и Брисбејн, вирусите од тип А Калифорнија и Викторија, како и H3N2.
-Во моментот СЗО тестира три од овие типови на вируси, а резултатите ќе бидат објавени во април се вели во сооштението на Европската агенција за лекови.
Неофицијално, стручањаци што се занимаваат со оваа проблематика за НОВА објаснија дека не се работи за нови типови на вируси, тие циркулирале во Македонија и во некои од изминатите години.
Од министертво за здравство не се изјаснија дали ќе го прифатат овој тип на вакцини иако државата редовно ги прифаќа препораките на СЗО. НОВА дознава и дека Комисијата за заразни болести сеуште нема одржано состанок, а не е распишан ниту тендерот за вакцини.
Од Институтот за јавно здравје не сакаа да објаснат дали се работи за опасни типови на вируси, какви симптоми и компликации даваат по здравјето на луѓето.