Пратениците на ВМРО-ДПМНЕ и натаму нема да учествуваат во работата на Собранието, потврдил за Телма привремениот координатор на пратеничката група, Влатко Ѓочев. Ѓорчев вели дека се револтирани од одлуката на Кривичниот суд, кој денеска им го продолжи притворот на пратениците осомничени за упадот во Собранието на 27 април.
Претходно и координаторот на пратеничката група на СДСМ Томислав Тунтев и премиерот Зоран Заев рекоа дека очекуваат опозицијата да се врати во Собранието.
Заев претходно најави дека доколку пратениците на ВМРО ДПМНЕ не дојдат на седницата, таа ќе биде многу кратка бидејќи нема намера да им одговара на пратениците од владејачкото мнозинство.