Осумте пациенти хоспитализирани на Клиниката за инфективни болести со хеморагична треска се во добра здравствена состојба. Направени се сите анализи а резултатите се негативни и тие наскоро ќе бидат пуштени дома, изјави денес министерот за здравство Арбен Таравари.
Вчера бил примен уште еден пациент кој ќе биде задржан на испитувања но нема симптоми на хеморагична треска хантан. Целиот терен и бачилото се дезинфицирани и дератизирани. Изворот на зараза е прекинат.
“Болеста ја пренесуваат глувците а може да се пренесе и преку вдишување на загаден воздун и урина од глодари. Македонија е ендемско подрачја за вакви болести и затоа треба да се интервенира во вакви ситуации. Првиот случај на починатиот бил навреме пријавен во Центарот за јавно здравје”, изјави Sвонко Миленковиќ претседател на Комисијата за заразни болеси и директор на Клинката за инфективни болести.