Премиерот Зоран Заев изрази сочувство за жртвите и понуди помош на Хрватска по силниот земјотрес кој ја погоди земјата денеска. Тој, на социјалните мрежи напиша дека Северна Македонија е подготвена да пружи помош согласно потребите.
„Упатувам силна поддршка за премиерот Андреј Пелнковиќ и сите хрватски граѓани погодени од силниот земјотрес. Во име на граѓаните на Северна Македонија изразувам сочувство за жртвите. Солидарноста е првиот порив во моментов, подготвени сме да пружиме помош согласно потребите“, напиша Заев на социјалните мрежи.