Според охридската полиција, тепачката се случила синоќа околу 22 часот пред кафетеријата „Славица“ во Охрид. Осомничените тепачи прво почнале да се расправаат со стружанецот, а потоа и го нападнале, задавајќи му повеќе удари со раце и нозе по целото тело, по што го собориле на плочникот. Тука продолжиле да го удираат по главата, од што Р.А. се здобил со тешки телесни повреди и скршеници на вилицата.
Р.А. поради сериозноста на повредите бил пренесен во Ургентниот центар во Скопје.
Полицијата ги привела тепачите, а во текот на денот ќе бидат изведени пред истражен судија.