27 јули: Најголемиот тест за вакцина против Ковид-19 во САД
30 илјади волонтери земаат учество во финалното тестирање на потенцијална вакцина развиена од американската компанија Модерна инк и Националниот институт за здравје.
Резултатите не се очекуваат пред ноември, вели раководителот на НИЗ.
20 јули: Универзитетот Оксфорд создаде вакцина која продуцира антитела за Ковид-19
Научници објавија дека откриле експериментална вакцина против Ковид-19 која дава имунолошки одговор кај луѓе помеѓу 18 и 55 години.
-Гледаме добар имунолошки одговор кај речиси сите-, рече доктор Адриан Хил директор на Институот Џенер при Универзитетот Оксфорд.
16 јули: Британија вели дека Русија стои позади хакерски напад со цел крадење на податоци во врска со вакцината
Британскиот министер за надворешни работи, Доминик Раб ги обвини руските агенции за обид за кражба на информации поврзани со истражување на вакцина за коронавирусот. На 19 јули, амбасадорот на Русија во Бритнија, Анреј Келин ги одби обвинувањата, велејќи дека немаат смисла.
15 јули: Русија објави позитивни резултати од тестирање на вакцина
Руската Влада сподели информации дека клиничко тестирање во Центарот за истражување Николај Гамалаја продуцирало позитивни резултати.
-Тестовите врз членови на војската и цивили, покажало дека виталните функции кај волонтерите останале нормални – вели рускиот министер за одбрана.
15 јули: Добри вести и од САД
– Без разлика како ќе го кажете, ова се добри вести – рече американскиот епидемиолошки експерт Ентони Фаучи, откако беа добиени позитивни резултати од тестирање на вакцина.
12 јули: Вакцината тешко дека ќе стигне пред 2021, вели француска група на експерти
Веројатноста да имаме сто проценти ефективна вакцина против Ковид-19 во 2021 е ниска – вели епидемиологот Арнау Фонтанет, повикувајќи Франција да се врати на построгите мерки.
-За вакцина се потребни неколку години на развивање, би бил изненаден ако во 2021 имаме вакцина која е ефективна – вели епидемиологот.
31 декември: Идентификуван е нов вирус
Новиот коронавирус беше откриен во декември минатата година, по што научниците веднаш се зафатија со работа за откривање на неговото потекло и создавање на ефикасна вакцина.