Војводата од Кембриџ, Принцот Вилијам ќе биде првиот член на британското кралско семејство кој ќе се појави на насловна страна на геј списание.
Се работи за водечкото британско списание во оваа област Атитјуд (Став), во изданието кое ќе излезе на 22 јуни.
Во прилогот Принцот Вилијам зборува за хомофобијата, бифобијата и трансфобијата и трајните ментални последиците што ги предизвикуваат ваквите појави.
За таа цел тој поканил деветмина членови на ЛГБТ заедницата во Кенсингтонската палата за да ги слушне нивните искуства и да разговара со нив.
Уредникот на магазинот Метју Тод вели дека причина зошто одлучил токму Вилијам да биде на наслованата страница се неговата кампања против злоставувањето и последиците по менталното здравјо на припадниците на ЛГБТ заедницата.
– Принцот Вилијам, Војвотката од Кембриџ Кејт и Принцот Хари од минатата година се фокусирани на прашањата околу менталното здравје и мислам дека сфатија дека постои сериозен проблем кај ЛГБТ заедницата, во врска со злоставувањето ви училиштата за што треба да се најде решение, вели Тод.
Кралското семејство веќе ја сподели фотографијата од Атитјуд на профилот на Твитер, со линк до сторијата што ќе биде објавена.