Премиерот Оливер Спасовски најави дека мора да се испита случајот, дека во време кога се мобилизира медицинскиот персонал секој вработен е важен и „никој не смее да профитира во оваа ситуација“
Медицински персонал од приватната болница „Еуроиталија“, се испраќа на привремен принуден одмор во преме на пандемија со коронавирус, трвдат за НОВА вработени од болницата. Тие велат дека дел до персоналот е испратен на принуден одмор и со таа одлука некои од нив ќе земаат само 50 проценти од платата, а други 70 проценти,но тие се обврзани да дежураат во одредени денови. Велат дека Решенијата ги добиле по пошта, без претходно да бидат информирани за тоа лично од раководството.
„Не сме информирани лично, не праќаат на принуден одмор. Решенијата ги добивме по пошта. Не знаеме каде да пријавиме, дали воопшто ќе се реагира. По анонимна пријава сме пријавувале и претходно, доаѓаа инспектори и на крај се останува исто. Плата не сме земале, а во исчекување сме на состонок во текот на идната недела на кој ќе ни соопштат што ќе биде со нас“, тврдат за НОВА видно загришени вработени медицински лица од болницата.
Тие испратија и дел од Решенијата, а за одлуката дека ќе одат на принуден одмор не биле известени лично, ниту дека ќе има толкаво намалување на платата.
Вработените се праќаат на принуден одмор во траење од 60 дена, почнувајќи од 20 март. Во образложението се вели дека заради мерките за време на вонредна состојба директорот ја донел оваа одлука со цел „сведување на капацитетите на болницата на минимум и пружање само на одредени здравствени услуги за кои постојат услови“.
Дел од медицинскиот персонал кој не контактираше велат дека тие што ќе земаат 70 проценти од плата(тоа стои и во Решенијата) се обврзани да имаат 3 дежурства од 24 часа, а останатите кои ќе земат само половина плата немаат обврска за дежурства. Разочарани се бидејќи плата немаат земено за месец март и празниците ќе ги поминат без пари.
Министерот за здравство Венко Филипче вели дека не е информиран за ваквата состојба во болницата, особено во ситуација на пандемија кога секој здравствен работник е важен.
„Не сум информиран за состојбата во болницата, но секој здравствен работник е важен и затоа секој мора да даде свој придонес во оваа ситуација. Можеби ќе дојде ситуација кога ќе ни треба медициснки персонал и од приватните болници и затоа мора да останеме заедно да се бориме со пандемијата“, одговори на прашањето на НОВА, Филипче.
Но, премиерот Оливер Спасовски кој претходно говореше дека ги поддржуваат фирмите да нема откази на вработените, се заинтересира за случајот.
„Мора да се испита цел овој случај. За болниците донесовме одлука да се мобилизира целиот здравствен персонал и тие треба да се свесни дека може да дојде ситуација да ни требаат. Ќе го задолжиме ДСЗИ да одат во болницата и да направат контрола. Јас имам сознанија и за една друга приватна болница каде се намалуваат платите. Никој не треба да профитира во оваа ситуација. Борбата за пациенти не треба да биде само кога ни е добро, кога имаме нормална ситуација во државата“, рече премиерот Спасовски.
НОВА, ја побара админстративаната директорка Росица Стоимилова, но таа не одговори на телефонските позиви, ниту на СМС пораката.