Речиси 300 вооружени про-руски поддржувачи ги заземаа седиштата на украинската морнарица на кримското пристаниште во Севастопол, вели Марина Каналјук, асистент-командант на украинската флота.
– Насекаде се, опколени сме, ни се закануваат, вели таа, тврдејќи со сигурност дека руските сили се вмешани помеѓу трупите.
Еден ден откако Москва го прогласи Крим за дел од Русија, нема знаци за смирување на ситуацијата, а светот стравува од крвав конфликт.
Според Каналјук, украинските офицери се обиделе да ги запрат вооружените лица да влезат во седиштето, и пробале да преговараат.
Земенети се и знамињата на Украина од јарболите, со руското знаме, јавува Итар-Тасс агенцијата. Итар-Тасс пренесува и дека руската војска не е вмешана во вчерашниот инцидент кога загина еден украински офицер.
Привремениот премиер на Украина, Арсениј Јацењук исто така предупреди дека кризата во земјата од политичка добива воена форма, а за тоа е виновна руската војска.
Воедно, референдумот на Крим кој беше спроведен во неделата, за привременеата влада во Киев е невалиден, а истиот став го повторија САД и ЕУ.
Во својот говор пак, вчера претседателот на Русија, Владимир Путин го поздрави референдумот.
– Во нашите срца знаевме дека Крим секогаш бил нераскинлив дел од Русија, рече Путин.
Тој потенцираше дека Русија треба да дејствува како новата влада на Украина која е поддржана од САД и европските сили, „за да ја зграпчи државата преку терор и убиства“.
На тоа Јацењук коментираше дека се работи за кражба на меѓународно ниво која Киев никогаш нема да ја прифати.
Кримските законодавци изјавија дека украинските војници сега се непожелна сила на Полуостровот, и им дадоа одредено време да го напуштат регионот.
САД и Европската унија во понеделникот воведоа санкции за повеќе од 20-ина претставници на Русија и Украина, и ја предупредија Русија да избегнат ескалација на ситуацијата.
Вчерашните тврдења на Русија, за припојување на Крим, донесоа нови коментари од Западот. Британскиот премиер Дејвид Камерон изјави дека „тоа испраќа вознемирувачка порака за целиот европски континент“.