Грчкото министерство за култура предупреди дека е „претерано смела“ шпекулацијата дека наводно на архиелошките ископини на северот на Грција се наоѓа гробот на некогашниот македонски крал, можеби дури и на самиот Александар Велики.
Археолозите кои работат на локалитетот каде е ископана гробницата, 600 километри северно од Атина, се надеваат дека ќе пронајдат „значајна личност или личности“.
Грчките сајтови известуваат дека е пронајден долгобараниот гроб на Александар Македонски.
До сега се веруваше дека кралот-воин од 4 век пред новата ера е погребан во Египет, пренесува АП.
Во соопштението на грчкото министерство за култура стои дека на археолошкиот локалитет е пронајдена „доста впечатлива мермерна фасада“ од 4 век п.н.е. која е долга 500 метри и висока 3 метри но дека би било „претерано смело“ тоа наоѓалиште да се поврзува со „историска личност“ пред да завршат археолошките работи.