Нуркачите во Балтичко море откриле колекција артефакти од камено време за кои веруваат дека се остатоци од шведските номади. Воедно тоа би можело да биде доказ за постоењето на една од праисториските населби откриени некогаш на подрачјето на Скандинавија. Остатоци од пред 11.000 години, пишува „Дејли мејл“.
Некои од пронајдоците се добро сочувани, а стручните лица населбата ја нарекуваат „шведската Атлантида“.
Предметите ги открил професорот Бјорн Нилсон од Универзитетот „Содертон“ заедно со тим од нуркачи на Универзитетот „Лундс“.
Научниците пронајдиле рогови од животни, оружје, харпун изработен од коска на животно, како и говеда за кои се верува дека се предци на денешните крави.
Истражувањето близу островот Хано траело три години, а трошоците биле покриени од страна на шведскиот Одбор за национално наследство.