Околу 1.500 слики со непроценлива вредност, меѓу кои оние на Пикасо и Матис, кои нацистите им ги одзеле на Евреите, пронадени се во еден стан во Минхен, објави германскиот неделник „Фокус“.
Според неделникот полицијата ги пронашла сликите уште во 2011 година, во станот на 80-годишниот син на колекционерот на уметнички дела Хилдебранд Гирлит, кој ги донел во Минхен во текот на 30-40-тите години од минатиот век.
Вредноста на пронајдените слики се проценува на околу милијарда евра на денешниот пазар.
Делата повеќе од половина век биле криени меѓу стари тегли од џем и смет, во мрачната соба на станот на Гирлит – осаменик без работа, кој продал некои од делата.
Како што објавува Франс прес тој како внук на Еврејка му бил потребен на Третиот рајх како експерт за проценка на уметнички дела.
Министерот на Хитлер Јозеф Гебелс го овластил Гирлит да ги извези уметничките дела, кои нацистите ги прогласиле за „изопачени“.
Пронадени се делата од 20 век на германскиот сликар Емил Нолде, Франц Марк, Марк Бекман и Макс Либерман.