Со транспаренти„Сите сме Љубомир Огненовиќ“,Пациенти ние сме со вас –не сме против вас“ „Директори не вршете мобинг ќе одговарате “, но и Бенифициран стаж“ „Дополнителна работа без условувања“лекарите од скопските клиники се собраа на протест за да го искажат својот револт против нападот врз нивниот колега од Дигестивна хирургија.
Целата акумулирана состојба од водењето на лошата политика во здравството букна денеска, кога лекарите го повикаа министерот Тодоров и директорите да седнат да проговараат, со цел да се подобри нивниот статус, за кој рекоа дека е резултат на долгорочните политики во здравството кои доведоа до омаловажување и деградирање на лекарите. Протестот го организираше Синдикатот на скопските клиники.
„Ја цениме моралната одговорност од страна на министерот, ја цениме повелбата за донесување закон за докторска дејност. Ова е поддршка кон колегата, но и е еднодневен протест кој се надеваме дека надлежните институции ќе го разберат и понатаму ќе имаме рамноправна комуникација.
Револтирани сме од нападот кон колегата Љубомир Огненовиќ и бараме под итно да с е променат с остојбите со статусот на здравствените работници„ рече Горан Беговиќ претседател на Синдикатот на клиниките.
По него се обратија и други вработени од скопските клиники.
„ Невидената хајка против најистакнатите лекари, па се до најмладите, како „недоволно едуцирани, корумпирани, неодговорни и непријателски настроени кон пациентите“ се директно вперување прст кон нив, како главни виновници за несаканиот исход во лекувањето на пациентот, изјави Емилија Стојановска вработена на Клиниката за Дигестивна Хирургија.
„Кога ние предупредувавме , вие одбравте , кога ние велевме дека сме против проектот плаќање по учинок, вие одбравте, кога велевме „Мој термин НЕ“ вие одбравте, кога велевме заедно да ја изготвуваме новата законска регулатива, вие одбравте, кога велевме не ги уценувајте специјализантите , вие одбравте. Кога ние велевме директори не вршете мобинг, вие одбравте“, рече Предраг Серафимовски од Клиника за максилофацијална хирургија.
Лекарите не објаснија зошто до сега не се појавија да се оградат од случајот во кој поради вина на двајца пијани анестезиолози починаа родилка и нејзиното бебе во Гевгелија. Ваквата ситуација создаде тензија во јавноста, а на социјалните мрежи паднаа многу обвинувања од граѓани.
„Да не бидеме разбрани погрешно, ние не сме против пациентите, секогаш сме со пациентите, целиот живот од едукација до непроспиени ноќи сме им ги посветиле на пациентите. Но целата акумулирана состојба што се случува сега не е наша грешка. Бараме системот кога се изготвува да учествуваме и ние“, рече Беговиќ.
На протестот дојдоа и пациенти кои ги подржаа лекарите да истраат барањата , но нагласија дека треба да се праша и пациентот кој е директно инволвиран во целата ситуација.
„Десет дена доаѓаме од Струмица и уште не сме завршиле работа, лекарот еве денеска пак го нема. Можеби ќе завршиме со прегледот кога ќе биде доцна“, рече пациент од Струмица.
На получасовен протест денеска излегоа и здравствените работници од болниците во Куманово,Прилеп, Охрид, Струга и Тетово..