Масовни протести на работниците во Чиле. Незадоволните работници во Чиле кои бараат промени во системот за наплата на даноците, и утврдување на новиот износ на минимална заработка, ги гаѓаа полицајците со камења и противпожарни апарати, на што им беше возвратено со водени топови и солзавец.
На демонстрантите им се придружија и студентите.
Како што наведува Централниот синдикат на работници од Чиле, околу 90% од вработените во јавниот сектор излегле од своите работни места во знак на протест.
Тие бараат промена на системот за наплата на данок, и утврдување на минималната заработка.
„Овој штрајк му служи на Чиле да ја направи подобра и почесна земја. Драго ми е што многу луѓе излегоа на улиците“, вели еден од демонстрантите.
Иако протестот започна мирно, во текот на ноќта демонстрантите се судрија со полицијата.