Околу 700 члена и симпатизери на неонацистичката партија “Златна зора” протестираа денес против изградбата на првата официјална џамија во Атина, објавува агенцијата АНЕ.
Демонстрантите викале “Грција им припаѓа на Грците” “Да нема џамија во Атина”, собрани во центарот на грчката престолнина блиску до местото каде што треба да се гради џамијата. На протестот учествувале и пратеници од оваа партија. Лидерот на партијата Никос Михалолиакос не бил на протестот бидејќи во моментов е во притов поради убиството на еден антифашистички борец во септември.
Изградбата на џамијата беше најавена во ноември. Проектот не е нов и неговата реализација му е дадена на еден конзорциум по повеќе неуспешни тендери. Атина е една од ректите престолнини во кои што нема официјална џамија. Сепак, поради присуството на имигранти од повеќе муслимански земји неофицијални џамии биле отворени на повеќе места во Атина. Единствената официјална џамија се наоѓа во Тракија, на северо-истокот од Грција каде што живее муслиманското малцинство.