Во организација на граѓанската иницијатива Веритас денеска се оддржа протестен собир во делот од центарот на Скопје каде се гради црквата Свети „Константин и Елена“.
Од оваа асоцијацијата велат дека се против намерите на градоначалникот на Центар Андреј Жерновски за измени на деталниот урбанистички план за централното градско подрачје, со кои според нив се предвидувало и бришење на маркичката каде се гради црквата.
„Господине Жерновски немојте да дозволите да ве проколнуваат, побарајте опрост за вас. На Господ му се мили сите покајници, и сигурна сум и дека вас ќе ви прости“, рече Соња Зашовска, Веритас.
Од Веритас повикаа утре протестот од пред црквата да се пресели пред Советот на општина Центар каде што за утре е најавена седницата. Црквата претходно беше најавена да се гради сред плоштад, меѓутоа по многуте негодувања и барањето да се изгради и џамија на плоштадот владата се откажа.
Од општина Центар излегоа со реакција за според нив „спонтаните протести“.
Во соопштенито се вели дека „синхронизираноста и таканареченото спонтано собирање на луѓе кои протестираат против носење на одлуки на Советот на општина Центар, јасно покажува дека зад ова стои владеачката партија.
– Истата таа владеачка структура, добро знае дека пред месец дена загубија три пати во Центар, што значи жителите се против нивните политики кои до сега ги спроведуваа во општината.
Според кабинетот на градоначалникот Жерновски „прозирно и неодговорно е што се манипулира со најинтимните и најранливите чувства, верските и односот кон децата.
Оттаму велат дека е недозволиво партијата на власт да ги инструментализира овие чувства.
Инаку, според нив, сите акти на Градоначалникот и на Советот се во правец на враќање на законитоста. Претходното раководство на општина Центар носеа одлуки кои беа противуставни и спротивни на интересите на граѓаните.
„Ревизијата се прави, и ќе се прави за да се врати правниот поредок”, порачуваат од Општина Центар.