Без поголеми инциденти, но со револт кон засиленото полициско обезбедување и забранет пристап кон институциите заврши и денешниот протест – четврти по ред по одлуката на Иванов за колективна аболиција на 56 лица. Протестот започна пред Специјалното обвинителство, каде граѓаните со скандирања и свирење изразија поддршка на обвинителите.
Оттаму се упатија кон Собранието, но кордон од специјалци поставен во близина на Триумфалната порта ги спречи да продолжат понатаму. Оттаму колоната демонстранти се упати кон Каменито мост, но и таму беа спречени од специјаците. На крајот, последниот кордон специјалци во близина на Владата одлучи да ги пушти демонстранти по што еден час пред објектот на Илинденска се скандираше „Никола, готово е“.
Демонстрантите и денеска побараа оставка од Иванов, но и целокупната власт која, според нив преку претседателот самата се амнестира. Ти велат дека нема услови за избори на 5. јуни, бидеќи опстукциите врз Специјалното обвинителство не стивнуваат, Избирачкиот список е непрочистен, нема реформи за медиумите, а државата не е поделена од партијата на власт.