Првата дама на Србија и Фондацијата „Драгица Николиќ“ со кампањата „Да не има повеќе“ ќе ги охрабруваат жените во Србија да се одлучат на раѓање, а воедно ќе апелираат за подобрување на условите со породилните сали.
Целта на фондацијата е да ја подобрат статистиката во однос на наталитет.
„Породилните сали во Србија се во катастрофална состојба и мајките се исплашени да раѓаат деца во такви услови“, вели Драгица Николиќ за РТС, објаснувајќи дека во Крагуевац веќе се работи на овој проблем.
Во обновата на салите, Фондацијата ќе вложи околу милион евра за најсовремена опрема. Парите се собираат од секаде низ светот, претежно од приватни извори, а ниту еден динар нема да биде подигнат од државната каса.
Првата српска дама, нагласува дека како позиција на прва дама, патувањата со сопругот ги користи за контакти кои придонеле за доброто на Србија.
За време на нејзината посета во Кина, Николиќ контактирала со „Хуавеи“ по што донирани се средства за најталентираните деца, за децата од загрозени семејства и слично. Од Турција донирани се средства за породилни сали, додека од САД донесени се средства за децата со аутизам.