Пуси Рајот повеќе не постои, објавија двете членки на бендот денеска, кои до неодамна беа во затвор заради хулиганство.
„Ние веќе не сме Пуси Рајот“, рече Толокоњикова, додека Марија Аљохина појасни дека тоа не значи кјат на нивниот активизам.
„Нашите ставови можеме да ги промовираме и без да имаме настапи“, рече Аљохина и нагласи дека не сакаат да настапуваат за пари.
Најавија дека сакаат да основаат друштво за заштита на правата на затворениците „Зона на правата“, чиј член ќе биде и Алексеј Навални, а се надеваат и на соработка со неодамна помилуваниот тајкун Михајло Ходорковски.
Надежда Толоконикова, денеска изјави дека е пуштена на слобода само за да се подобри сликата на Русија во очи Зимските олимписки игри и дека не станува збор за хуман гест од страна на претседателот Путин.
Толоконикова (24) и Марија Аљохина (25) беа ослободени по амнестија од Кремљ во понеделникот откако поминаа 21 месец од 2-годишната затворска казна поради изведбата на ‘молитвениот панк’ против претседателот Путин во главната московска црква.
Според Толоконикова бидејќи “се приближува Олимпијадата, Путин не сака да му биде уништен најдрагиот проект“.