Бесмислени се тврдењата за воено учество на Русија во случувањата во источниот дел на Украина а почетокот на преговорите во Женева се многу важни, вели рускиот претседател Владимир Путин во телевизиското обраќање на кое одговараше на прашањата од руските граѓани.
Околу 2.000.000 прашања пристигнале за Путин поврзани со Украина како и случувањата во неговата земја.
Тој се надева дека учесниците во преговорите во Женева кои треба да се одржат денеска, ќе сфата во каква „пропаст ги водат властите од Киев и целата земја“. Сепак исткна дека итно е потребен разговор помеѓу руските власти целиот регион за изнаоѓање компромис.
Доаѓањето на актуелните полтичари на власт во Украина, за Киев е „противуставно“, тврдејќи дека шират националистички ставови.
– Наместо да иницираат дијалот со народните лидери, од Киев пратија кандидати за гувернери – а тоа се локални олигарски. Луѓето кон нив се однесуваат со неверување, верувајќи дека тие се крадци на народните пари…А што направи власта со лидерите на народот – ги смести во затвор, додава Путин.
Тој призна дека руските војници биле присутни за време на протестите додека се одвиваше референдумот на Крим.
– Зад луѓето од Крим стоеја нашите војници. Се однесуваа доста коректно, одлучно и професионални. Поинаку референдумот ќе беше невозможен, констатира претседателот на Русија.
Тој нагласи дека Русија секогаш била со Украина и дека планот е така и да остане, и напомена дека неговата земја никогаш не планирала воена акција.
– Русија не планираше воена акција во Крим. Земјата беше подготвена да гради односи тргнувајќи од геополитичката реалност. Меѓутоа, опасноста за Русија беше конкретна. Тоа го поттикна народот на Крим да се замисли за безбедноста и да се обрати за помош кон Русија, и ние тоа го направивме, вели Путин во телевизиското обраќање.
Ова е 12-ти пат Путин да се обрати преку телевизија и да одговара на прашањата на руските граѓани. Минатата година зборуваше најдолго, 4 часа и 48 минути.