Претседателот на Русија, Владимир Путин најави дека е подготвен да го потпише барањето за помилување на рускиот олигарх Михаил Ходорковски, кој повеќе десет од 10 години е во затвор под обвинение за финансиски измами и кражби, пренесува ИТАР-ТАСС.
Ходорковски ги отфрлаше обвиненијата тврдејќи дека се политички мотивирани, бидејќи тој беше противник на политиката на Путин.
– Ходорковски мина во затвор над десет години, што е сериозен период на време, и сметам, дека треба да се донесе одлука за негово помилување, изјави Путин на годишната прес-конференција.
Адвокатот на Ходроковски, сепак, истакна дека поранешниот олигарх не побарал помилување од Путин.
Рускиот претседател исто така најави и дека двете пејачки од панк групата „Пуси рајот“ ќе бидат ослободени според амнестијата донесена од Парламентот. Сепак, тој го опиша протестот против него во московската катедрала како срамна манифестација.
Двете пејачки отслужуваат казна од 2 години во поправни колонии поради скандалозната панк молитва во московската катедрала „Христос Спасител“.
Годишната прес-конференција на Путин траше рекордно долго време – 4 часа и 3 минути, при што Путин одговорарал на прашањата од вкупно 52 новинари.