Владимир Путин се појави денес пред новинарите, за прв пат од почетокот на украинската криза и изјави дека испраќањето на трупи во Украина во моментов не е неопходно но дека Русија си го задржува правото со сите средства да ги штити своите граѓани во оваа земја.
“Што се однесува во испраќањето трупи тоа не е неопходно во моментов. Но таа можност постои”, рече тој.
Путин рече дека во Украина е извршен “државен удар” и “завземање на власта со оружје”.
“Не може да има само една оценка за сето тоа што се случи во Киев и во Украина: станува збор за државен удар кој е против уставен, за завземање на власта со оружје”, изјави тој пред новинарите во својата резиденција во Москва.
Тој смета исто така дека Виктор Јанукович е единствениот претседател на Украина. “Видено од правна страна има само еден легитимен претседател но јасно е дека тој ја нема власта. Но сакам да повторам дека од законска гледна точка има само еден легитимен претседател а тоа е Јанукович”, рече Путин сабајлево.