Денеска градоначалникот Жерновски сам се прогласи за ненадлежен градоначалник. Како и за сите прашања и проблеми на граѓаните на Општина Центар, така и за темата поврзана со таканаречената ревизија на проектот Скопје 2014 година, Жерновски повторно бега од одговорноста и ја заслужува титулата ненадлежен градоначалник, изјави советничката на Центар од ВМРО – ДПМНЕ, Даниелка Рангелова.
Според неа градоначалникот Андреј Жерновски после фијаско прес конференцијата, која беше преполна со политички квалификации и неточни формулации, а без никаква законска подлога на т.н. ревизија, единствено што требаше е да излезе и да се извини за сите досегашни негови обвинувања дека проектот Скопје 2014 е незаконски и криминален.
– Но наместо тоа, овој срам и политички пораз за Жерновски тој се труди да го надмине со тоа што сега ја префрла одговорноста кај други институции, а во овој случај кон јавното обвинителство, смета Рангелова.
Таа го повикуваме Андреј Жерновски како градоначалник на Општина Центар, да не губи време, туку тој ако навистина е убеден во неправилности при градбата на Скопје 2014 лично или во името на Општина Центар да поднесе тужби за сите обвинувања кој тој и неговата коалиција ги имаат за овој значаен проект.
– Ќе потсетиме Жерновски сега е градоначалник на општина Центар. Тој има право да го направи тоа. Наместо да глуми ненадлежен градоналник нека излезе и нека понесе одговорност за тоа што го тврди. Притоа треба да биде свесен дека на суд не поминуваат општите квалификации, своеволните оценки и фрази, кои за проектот ги соопштуваат Жерновски и неговата партиска комисија. Судот одлучува според факти и докази.
– Ние како советничка група сме убедени дека целиот проект е целосно легален и законит, рече Рангелова.