Бугарскиот парламент денеска е распуштен со претседателски указ откако партиите не успеаа да формираат нов кабинет по оставката на владата, поради протестите во земјата.
На последната пленарна седница бугарските пратеници ја оценуваа работата на Парламентот.
Претседателката на Парламентот, Цецка Цачева, рече дека Парламентот заминува во историјата со што „се дава ново искуство, сила и цврстина на демократскиот процес“.
– Јас имам дел од одговорноста за тоа што ние како целина не успеавме да направиме. Пратениците заминуваат, но парламентарниот систем останува. Парламентот е формиран да биде институција за судири каде се донесуваат одлуки. Тие луѓе прво викаат, а потоа гласаат. Демократскиот парламентарен механизам, повторно ќе биде воспоставен, истакна Цачева.
Таа како достигнувања на тој парламентарен состав ги наведе: елиминирање на праксата на гласање со картичките на другите пратеници, зголемување на транспарентноста со директните преноси од пленарните седници, формирање на јавниот регистар на гласање и објавување на транскриптите од отворените седници.