Ниту земјоделците се излажани, нуту Владата ги има оставено настрана, како што денес тоа го тврди СДСМ, реагираат од Министерството за земјоделство, шумарство и водостопанство.
-Партијата која производната земјоделска година ја сведува со „периодот за подготвување на зимница“ денес излезе со отворање на сериозна тема за која, благо речено е неупатена, а уште повеќе искрена.Ниту пак наведените проценти се точни, уште помалку начинот на откуп и вкупно откупените количини пченица оваа година, до сега, се вели во реакцијата на министерството.
Оттаму велат дека ниту податоците за откупената количина во изминатите години не се точни.
Навистина е жално што и овој пат се потврдува дека „загрижените и стручни“ во СДСМ не соработуваат со производителите на пченица и овластените, односно регистрирани откупувачи на пченица за да ги добијат изворните информации за количината пченица од овогодишната реколта и вкупно откупената количина до сега. Колку е политиката на Владата е погрешна, уште помалку популистичка, ниту превземените мерки се кампањски и без резултат можат да дадат одговор самите земјоделци, се вели подолу во реакцијата.
Од министерството потенцираат дека укинувањето на мерката за условен увоз на пченица е донесено по барање токму на мелничарскиот сектор, а причината е во послабиот квалитет на домашната пченица и нејзино подобрување со увозна поквалитетна пченица.
Според нив, целта е подобрување на брашното како краен производ кој се пласира на домашниот пазар.
-Со оваа системска мерка директно се штити домашниот мелнички сектор и земјоделските производители на пченица, за што истите се запознати и непосредни учесници во нивното изготвување, напоменуваат од министерството за земјоделство, шумарство и водостопанство.
Со рекацијата на изјавата на Татјана Прентовиќ од СДСМ, од министерството прашуваат дали СДСМ ги штитат интересите на земјоделците или веројатно бизнис интересите на нивни видни членови.