Романот „Резервен живот“ на Лидија Димковска е објавен во САД од издавачката куќа од Сан Франциско „Two Lines“ во превод Кристина Е. Крамер.
По тој повод, од утре до 21 октомври е организирана книжевна турнеја во девет градови: Њујорк, Балтимор, Ешвил, Ајова, Чикаго, Сиетл, Сан Франциско, Окланд и Лос Анџелес, ина книжевниот фестивал „Градови-близнаци“ во Минеаполис и Сен Паул, каде Димковска преку читања и разговори во најпознатите американски книжарници ќе го претстави својот роман пред американската публика
Како што истакнува издавачот, Димковска која е во САД веќе позната како неверојатно талентиран поет со две поетски книги на англиски јазик, сега се претставува и како врвен романсиер.
Њујоршкиот неделник „Паблишерс викли“ го нарече „Резервен живот“ „калеидоскопски роман со големо срце“.
Американските списанија за книжевност „Чикаго Ривју“ и „Тин Хаус“ екслузивно објавија извадоци од романот пред да излезе.
„Резервен живот“ ја доби Европската награда за литература во 2013 година и досега имаше три изданија на македонски јазик (Или-Или, Скопје). Преведен е и се уште се преведува на повеќе светски јазици.