Најдобриот фудбалер на Реал Мадрид и стрелец на одлучувачкиот гол на синоќешниот реванш четвртфинален дуел со Јувентус во Лигата на шампионите, Кристијано Роналдо, е убеден дека одлуката на судијата да досуди пенал е правилна.
– Не разбирам зошто толку многу протестираа околу пеналот. Ако Лукас не беше фаулиран ќе постигнеш гол. Го удрија одзади и нема дилема, чист пенал, рече Роналдо.
Реал Мадрид со тој гол го ублажи поразот (1:3) и обезбеди полуфинале во ЛШ поради победата на првиот меч со 3:0.
Жестоки реакции доајдоа од таборот на Јувентус по елиминацијата од Реал Мадрид во четвртфиналето од Лигата на шампионите. Заедничко за сите нив е тоа дека судијата го решил мечот со досудениот пенал за Реал.
Тренерот на италијанскиот првак Масимилијано Алегри смета дека победникот требаше да биде решен по продолженија и дека судијата не го дозволи тоа.
– Судијата го одлучи вкупниот победник. Жал ми е за играчите кои беа совршени и заслужија продолжение. вака не добивме шанси за екстра фудбал и покрај тоа што направивме пресврт и ја анулиравме негативата од Торино. Уште еднаш ќе кажам, горд сум на моите фудбалери. Сега треба да се фокусираме на домашните предизвици и да заборавиме на ова што се случи овде, рече Алегри.