Американскиот заменик помошник државен секретар Ерик Рубин изјави дека тој не гледа наскоро напредок во решавањето на прашањето за името, но сепак додаде дека тоа не е проблем кој не може да се реши.
Рубин вчера во Солун рече дека „прашањето за името мора да се реши и оти тоа е од клучно значење за двете земји“, додавајќи дека тоа е сепак поважно за Македонија, јави грчката државна новинска агенција АНА-МПА.
– Јасно е дека нема знаци за скорешен чекор напред. Тоа е јасно. Дефинитивно нема непосреден договор, но, од друга страна, никој не се откажува. За некои проблеми се вели дека никогаш нема да се решат. Овој проблем не е еден од нив, рече тој, изразувајќи оптимизам дека „тој ден ќе дојде и тоа ќе биде одлично за регионот и за Солун“.