Москва потврди дека Киев уплатил дел од парите за гас, со што е отворен патот за нови преговори во жестокиот спор меѓу Русија и Украина.
Според информации на руската влада, во Москва стигнале 786 милиони долари од Киев за испорачаните количества гас а оваа украинска уплата се однесува на гасот кој е испорачан во февруари и март, соопшти портпаролот на Министерството за енергија во Москва.
Уплатата, според договорот, беше предуслов за натамошни преговори околу идната цена на гасот. Русија соопшти дека Украина има долг за гас од 5,2 милијарди американски долари и најави дека од јуни ќе бидат сменети правилата, при што ќе доставува гас за Украина само со претходна уплата.
Во спротивно, рускиот концерн Гаспром се закани дека ќе запре со доставувањето гас, со што би биле погодени и многу земји на ЕУ.